Shalom Online

നോമ്പുകാലം ഫലദായകമാക്കിയാലും

അമ്മേ മാതാവേ വീണ്ടും ഒരു നോമ്പുകാലത്തിലേക്ക് ഞങ്ങള്‍ പ്രവേശിക്കുകയാണ്. ഉപരിപ്ലവമായ നോമ്പനുഷ്ഠാനങ്ങളെ പിന്തുടരാനും അതിനെ പ്രദര്‍ശനവല്ക്കരിക്കാനുമുള്ള പ്രവണത ഞങ്ങള്‍ക്കുണ്ട്. ഭക്ഷണകാര്യങ്ങളിലുള്ള വര്‍ജ്ജനം മാത്രമായി പലപ്പോഴും ഞങ്ങള്‍ അതിനെ പരിമിതപ്പെടുത്തിയിരിക്കുന്നു. ഉപവാസത്തിന്റെ പേരില്‍ ഞങ്ങള്‍ മേനി നടിക്കുന്നു. വസ്ത്രമല്ല ഹൃദയമാണ് കീറേണ്ടത് എന്ന തിരുവചനം ഞങ്ങള്‍ ഓര്‍മിക്കുന്നു. ഞങ്ങളുടെ ഉപവാസങ്ങള്‍, തപശ്ചര്യകള്‍ അവയൊന്നും അന്യനെ കാണിക്കാനുള്ളവയായി മാറ്റരുതേ. യഥാര്‍ത്ഥമായ നോമ്പും ഉപവാസവും ഞങ്ങളുടെ ഹൃദയങ്ങളിലാണല്ലോ നടക്കേണ്ടത്. ആയതിലേക്ക് ഒരു കുഞ്ഞിനെയെന്നപോലെ അമ്മ കൈപിടിച്ചു നയിച്ചാലും. അങ്ങനെ ഞങ്ങളുടെ നോമ്പുകാലം ഫലദായകമാകട്ടെ..